2026 жылғы 21 қыркүйекте Алматы қаласында өткен Орталық Азия микрокаржыландыру форумы 500-ден астам қаржы секторының өкілдерін, инвесторлар мен сарапшыларды жинап, өңірдегі микрокаржыландырудың болашағын талқылауға мүмкіндік берді. Азия Кредиттік Қоры (АКҚ) форумның бас серіктестерінің бірі болды.
Іскерлік бағдарламаның негізгі оқиғаларының бірі — АКҚ Басқарма төрағасы Жанна Жақыпова модераторлық еткен «Орталық Азиядағы микрокаржыландырудың болашағы: нарық көшбасшыларының көзқарасы» атты панельдік сессия болды. Қатысушылар микрокаржыландыру моделінің өзгеруі, технологиялардың алдағы рөлі және саланың тұрақты әрі табысты өсімін қамтамасыз ету үшін қажетті жағдайларды талқылады. Сессия аудиторияның үлкен қызығушылығын тудырып, форум қатысушыларынан оң пікір алды.
АКҚ Қаржы директоры Наталья Сильченко «Қаржылық тәуекелдер: МҚҰ-ны шетелдік қорлар үшін қалай тартымды етуге болады?» тақырыбында шеберлік сабағын өткізді. Практикалық тақырыпқа үлкен қызығушылық танытылды: шеберлік сабағына зал толы аудитория жиналып, қаржылық тәуекелдерді басқару және халықаралық инвесторлардың күтулері бойынша пікір алмасуға мүмкіндік берді.
Тағы бір маңызды оқиға — АКҚ-ның «Әйел-кәсіпкерлерді қаржыландыру кодексіне» (Women Entrepreneurs Finance Code) қосылуы болды. Бұл — әйел-кәсіпкерлердің қаржыландыруға қолжетімділігін кеңейтуге бағытталған ЕҚДБ-ның жаһандық бастамасы. Қазақстанның банктері бұл бастамаға бұған дейін қосылған, ал АКҚ осы қадамды жасаған елдегі алғашқы үш микрокредиттік ұйымның қатарына кірді.
Әйелдерді қолдау — АКҚ-ның қолданыстағы бизнес-моделінің бір бөлігі. Бүгінде компания клиенттерінің 58%-ын және шамамен 600 қызметкерінің 78%-ын әйелдер құрайды. Әйелдер корпоративтік басқару деңгейінде де ұсынылған: Директорлар кеңесінің жеті мүшесінің екеуі — тәуелсіз әйел директорлар, ал Басқарма құрамындағы әйелдердің үлесі 50%-ды құрайды.
Форум аясында АКҚ «Корпоративтік басқару саласындағы үздік МҚҰ» номинациясы бойынша марапатқа ие болды.
Форумға қатысу АКҚ үшін жинақталған тәжірибесі мен сараптамасын таныстырумен қатар, Орталық Азиядағы микрокаржыландырудың болашағына қатысты кәсіби диалогқа өз үлесін қосуға мүмкіндік берді. Бұл — технологияларға негізделген, жауапты және кәсіпкерлердің ұзақ мерзімді дамуына бағытталған микрокаржыландыру саласын қалыптастыруға бағытталған диалог.