Қараша айында АКФ 28 жылдығын атап өтуде. Бұл жолды еліміздің түкпір-түкпіріндегі кәсіпкерлер, ауылдық үй шаруашылықтары, қызметкерлер және серіктестермен бірге жүріп өттік.
Осы жылдар ішінде АКФ тұрақты микроқаржы ұйымына айналып үлгерді. Біз бүгінде:
- Жыл сайын ондаған мың клиентке қолдау көрсетеміз: шағын кәсіпкерлерден бастап ауылдық үй шаруашылықтарына дейін;
- Клиенттерге жақын болу үшін 70 кеңсе арқылы қызмет етеміз;
- 700-ден астам қызметкердің басын қосамыз, олар күн сайын клиенттердің дамуына көмектеседі;
- Халықаралық және жергілікті серіктестермен ынтымақтасамыз, бұл қаржылық қызметтердің қолжетімділігін арттыруға мүмкіндік береді.
Біздің басымдықтарымыз өзгеріссіз қалады: клиенттерді қолдау, қызметкерлерді дамыту, шағын бизнесті ілгерілету, әйелдердің мүмкіндіктерін кеңейту, ауылдық аймақтарды көркейту және жауапты қаржыландыру.АКФ-ның басты жетістігі – клиенттердің, қызметкерлердің және серіктестердің сенімі. Ортақ дамуымызға үлес қосып, Қазақстандағы кәсіпкерлікті ілгерілетуге атсалысқан әрбір жанға алғыс айтамыз!