«Азиялық Несие Қоры» МҚҰ» ЖШС (бұдан әрі – Компания) 2025 жылғы 27-29 мамырда Грузия, Тбилиси қаласында өткен Microfinance Centre (MFC) 27-ші жыл сайынғы конференциясына басшылық өкілдерінің қатысуы туралы хабарлайды. Конференцияның тақырыбы «Өзгерістер, сілікіністер және шешімдер: геосаясаттық тұрақсыздық көлеңкесіндегі микроқаржыландыру».
Шара аясында Компания өкілдері негізгі тақырыптық сессияларға қатысты:
- AНҚ Директорлар кеңесінің мүшесі Яна Хмельницкий «Микроқаржыландырудағы ESG тәуекелдерін басқару: жаһандық трендтерден жергілікті тұрақтылыққа дейін» сессиясында сөз сөйлеп, онда ұйымның тұрақтылығын нығайтуға ықпал ететін ішкі дағдыларды (хабардарлық, эмпатия, сыни ойлау, ынтымақтастық және т.б.) дамытуға бағытталған Inner Development Goals бастамасын ұсынды.
- АНҚ Директорлар кеңесінің мүшесі және Partner MKF (Босния және Герцеговина) директоры Сенад Синанович климатқа төзімді ауыл шаруашылығын, әлеуметтік әділеттілікті және халықтың осал топтарын қолдаудағы микроқаржы институттарының рөліне арналған «Әділ жасыл көшудегі көшбасшылық» сессиясына қатысты.
- АНҚ Директорлар кеңесінің мүшесі Дон Гинсель ағымдағы геосаяси үрдістер жағдайында сектор үшін қиындықтар мен мүмкіндіктерді талқылаған «Геосаяси өзгерістердің жаһандық перспективалары және оның микроқаржыландыруға әсері» атты конференцияның ашылу панельдік сессиясының модераторы болды.
- АНҚ Басқарма төрайымы Жанна Жакупова «Жасанды интеллект іс жүзінде: микроқаржыландыруды трансформациялаудағы соңғы инновациялар» сессиясында сөз сөйледі. Баяндама барысында ол несиелендіру, тәуекелдерді бағалау және клиенттерге қызмет көрсетуді жекелендіру саласындағы инновацияларға назар аудара отырып, операциялық қызмет пен клиенттік процестерге цифрлық шешімдерді енгізудің практикалық мысалдарын ұсынды.
Компания басшылығының микроқаржы саласындағы ең ірі халықаралық конференцияға қатысуы тұрақты және инклюзивті қаржының болашағы туралы жаһандық талқылауларға АНҚ стратегиялық қатысуын атап көрсетеді. Алынған білім мен орнатылған кәсіби байланыстар Компанияның үздік халықаралық тәжірибеге сәйкес одан әрі дамуына ықпал етеді.