«Азиаттық Кредиттік Қор» (АКФ) Басқарма Төрайымы Ж. Жакупова біздің көпжылдық серіктесіміз — халықаралық MCE Social Capital қорының шақыруымен АҚШ-қа барды. Сапар екі онжылдық бойы Қазақстандағы жобаларымызды қолдап келе жатқан қордың 20 жылдық мерейтойына орайластырылды.
Осы 20 жылдық бірлескен жұмыстың арқасында еліміздің ауылдық аймақтарындағы мыңдаған отбасы өз кәсібін ашып, дамыта алды. Сан-Францискода өткен салтанатты шараға әлемнің жетекші инвесторлары мен сарапшылары жиналды. АКФ Орталық Азиядан шақырылған санаулы ұйымдардың бірі болып, біздің кәсіпкерлікті дамытуға қосқан үлесіміз осындай жоғары деңгейде атап өтілді.
Бұл танылу — АКФ-ның халықаралық стандарттар бойынша жұмыс істейтінін, клиент мүддесі мен әлеуметтік жауапкершілікті бірінші орынға қоятынын тағы да дәлелдеді.
Камилла Нестор, MCE Social Capital бас директоры: «Біз Жанна Жакупованың көшбасшылық қасиеттері мен пайымына, сондай-ақ қазіргі күрделі заманда АКФ-ны сенімді басқарып келе жатқанына тәнті болдық. Біз осындай көпжылдық серіктестігімізді мақтан тұтамыз».
Халықаралық қоғамдастықтың сенімі біз үшін алға жылжуға үлкен серпін береді. Біз әрі қарай дамып, озық әлемдік тәжірибелерді енгізуді және клиенттеріміз үшін жаңа мүмкіндіктер жасауды жалғастырамыз
